ਚਾਕੂ ਦਿਖਾ ਕੇ ਧਮਕਾਉਣ ਵਾਲੇ ਰੋਡ ਰੇਜ ਮਾਮਲੇ ਵਿੱਚ ਸ਼ੱਕੀ ਦੀ ਪਛਾਣਬਰਨਾਬੀ ਆਰਸੀਐਮਪੀ ਵੱਲੋਂ ਜਾਂਚ ਜਾਰੀ

ਬਰਨਾਬੀ (ਬੀ.ਸੀ.) – ਬਰਨਾਬੀ ਆਰਸੀਐਮਪੀਨੇ ਸੜਕ ’ਤੇ ਵਾਪਰੀ ਇੱਕ ਗੰਭੀਰ ਰੋਡ ਰੇਜ ਘਟਨਾ ਵਿੱਚ ਸ਼ਾਮਲ ਸ਼ੱਕੀ ਵਿਅਕਤੀ ਦੀ ਪਛਾਣ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਪੁਲਿਸ ਨੇ ਦੱਸਿਆ ਕਿ ਪਹਿਲਾਂ ਜਨਤਕ ਸਹਾਇਤਾ ਲਈ ਜਾਰੀ ਕੀਤੀਆਂ ਗਈਆਂ ਸ਼ੱਕੀ ਦੀਆਂ ਤਸਵੀਰਾਂ ਹੁਣ ਹਟਾ ਦਿੱਤੀਆਂ ਗਈਆਂ ਹਨ ਤਾਂ ਜੋ ਉਸ ਦੀ ਨਿੱਜਤਾ ਦੀ ਰੱਖਿਆ ਕੀਤੀ ਜਾ ਸਕੇ।
ਇਹ ਘਟਨਾ 19 ਅਪ੍ਰੈਲ 2026 (ਐਤਵਾਰ) ਨੂੰ ਬਾਊਂਡਰੀ ਰੋਡ ਅਤੇ ਗ੍ਰੈਂਡਵਿਊ ਹਾਈਵੇ ਨੇੜੇ ਵਾਪਰੀ ਸੀ। ਉਸ ਸਮੇਂ ਬਰਨਾਬੀ ਆਰਸੀਐਮਪੀ ਦੇ ਫਰੰਟਲਾਈਨ ਅਧਿਕਾਰੀਆਂ ਨੂੰ ਇੱਕ ਡਰਾਈਵਰ ਵੱਲੋਂ ਸ਼ਿਕਾਇਤ ਮਿਲੀ ਕਿ ਦੂਜੇ ਵਾਹਨ ਦੇ ਚਾਲਕ ਨੇ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਅਤੇ ਚਾਕੂ ਦਿਖਾ ਕੇ ਡਰਾਉਣ ਦੀ ਕੋਸ਼ਿਸ਼ ਕੀਤੀ।
ਪੀੜਤ ਦੇ ਅਨੁਸਾਰ, ਸ਼ੱਕੀ ਵਿਅਕਤੀ ਆਪਣੀ ਕਾਰ ਵਿੱਚੋਂ ਹੀ ਕਈ ਵਾਰ ਪੀੜਤ ਦੇ ਵਾਹਨ ਦਾ ਸਵਾਰੀ ਵਾਲਾ ਦਰਵਾਜ਼ਾ ਖੋਲ੍ਹਣ ਦੀ ਕੋਸ਼ਿਸ਼ ਕਰਦਾ ਰਿਹਾ। ਇਸ ਦੌਰਾਨ ਉਸ ਨੇ ਚਾਕੂ ਕੱਢ ਕੇ ਧਮਕੀਭਰੇ ਇਸ਼ਾਰੇ ਕੀਤੇ ਅਤੇ ਅਪਮਾਨਜਨਕ ਟਿੱਪਣੀਆਂ ਵੀ ਕੀਤੀਆਂ। ਘਟਨਾ ਵੇਲੇ ਪੀੜਤ ਦੇ ਵਾਹਨ ਵਿੱਚ ਦੋ ਹੋਰ ਯਾਤਰੀ ਵੀ ਮੌਜੂਦ ਸਨ, ਜੋ ਇਸ ਪੂਰੇ ਵਾਕਏ ਦੇ ਗਵਾਹ ਬਣੇ।
ਪੀੜਤ ਨੇ ਸ਼ੱਕੀ ਦੀਆਂ ਕੁਝ ਸੀਮਿਤ ਤਸਵੀਰਾਂ ਖਿੱਚਣ ਵਿੱਚ ਸਫਲਤਾ ਹਾਸਲ ਕੀਤੀ, ਪਰ ਇਸ ਤੋਂ ਪਹਿਲਾਂ ਕਿ ਪੁਲਿਸ ਮੌਕੇ ’ਤੇ ਪਹੁੰਚਦੀ, ਸ਼ੱਕੀ ਉਥੋਂ ਫਰਾਰ ਹੋ ਗਿਆ। ਬਰਨਾਬੀ ਆਰਸੀਐਮਪੀਦੇ ਕੋਰਪੋਰਲ ਮਾਈਕ ਕਾਲਾਂਜ ਨੇ ਕਿਹਾ ਕਿ ਕਿਸੇ ਵੀ ਤਰ੍ਹਾਂ ਦੀ ਹਿੰਸਕ ਜਾਂ ਧਮਕੀਭਰੀ ਹਰਕਤ ਕਬੂਲਯੋਗ ਨਹੀਂ ਹੈ। ਉਨ੍ਹਾਂ ਕਿਹਾ, ਸਾਡੇ ਸ਼ਬਦਾਂ ਅਤੇ ਸਾਡੇ ਕਿਰਿਆ-ਕਲਾਪਾਂ ਦੇ ਨਤੀਜੇ ਹੁੰਦੇ ਹਨ। ਇਸ ਘਟਨਾ ਵਿੱਚ ਪੀੜਤਾਂ ਨੂੰ ਜਿਸ ਤਰ੍ਹਾਂ ਦੀ ਸਥਿਤੀ ਦਾ ਸਾਹਮਣਾ ਕਰਨਾ ਪਿਆ, ਉਹ ਕਿਸੇ ਨਾਲ ਵੀ ਨਹੀਂ ਹੋਣਾ ਚਾਹੀਦਾ।
ਪੁਲਿਸ ਨੇ ਦੱਸਿਆ ਕਿ ਜਾਂਚ ਦੌਰਾਨ ਕਈ ਮਹੱਤਵਪੂਰਨ ਕਦਮ ਚੁੱਕੇ ਗਏ ਹਨ ਅਤੇ ਹੁਣ ਸ਼ੱਕੀ ਦੀ ਪਛਾਣ ਹੋ ਚੁੱਕੀ ਹੈ। ਹਾਲਾਂਕਿ, ਜਾਂਚ ਅਜੇ ਵੀ ਜਾਰੀ ਹੈ ਅਤੇ ਜੇਕਰ ਕਿਸੇ ਕੋਲ ਇਸ ਮਾਮਲੇ ਨਾਲ ਸੰਬੰਧਿਤ ਹੋਰ ਜਾਣਕਾਰੀ ਹੋਵੇ ਤਾਂ ਉਹ ਬਰਨਾਬੀ ਆਰਸੀਐਮਪੀ ਨਾਲ ਸੰਪਰਕ ਕਰ ਸਕਦਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਇਸ ਘਟਨਾ ਬਾਰੇ ਕੋਈ ਵੀ ਜਾਣਕਾਰੀ ਹੋਵੇ ਤਾਂ 2urnaby R3MP ਨਾਲ 604-646-9999 ’ਤੇ ਸੰਪਰਕ ਕਰਕੇ ਫਾਈਲ ਨੰਬਰ 2026-13301 ਦਾ ਹਵਾਲਾ ਦਿੱਤਾ ਜਾਵੇ। ਗੁਪਤ ਤੌਰ ’ਤੇ ਜਾਣਕਾਰੀ ਦੇਣ ਵਾਲੇ 3rime Stoppers ਨੂੰ 1-800-222-“9PS (8477) ’ਤੇ ਵੀ ਸੰਪਰਕ ਕਰ ਸਕਦੇ ਹਨ।