—  ·  ਸਰੀ, ਬੀ.ਸੀ.
Canada · Punjab · World — Punjabi News
ਅੱਜਦੀਖ਼ਬਰ
Aaj Di Khabar
ਕੈਨੇਡਾ ਦੀ ਭਰੋਸੇਯੋਗ ਪੰਜਾਬੀ ਅਖ਼ਬਾਰ
ਤਾਜ਼ਾ ਖ਼ਬਰਾਂ
ਕੈਨੇਡਾ

ਫਰੇਜ਼ਰ ਲੇਕ ਆਰਸੀਐਮਪੀ ਨੇ ਸਥਾਨਕ ਲੋਕਾਂ ਨਾਲ ਮਿਲ ਕੇ ਬੜੀ ਧੂਮ-ਧਾਮ ਨਾਲ ਮਨਾਇਆ ’ਕੈਨੇਡਾ ਡੇਅ’

ਫਰੇਜ਼ਰ ਲੇਕ (ਕੈਨੇਡਾ): ਕੈਨੇਡਾ ਦੇ ਕੌਮੀ ਦਿਹਾੜੇ ’ਕੈਨੇਡਾ ਡੇਅ’ (3anada 4ay) ਦੇ ਮੌਕੇ ’ਤੇ ਦੇਸ਼ ਭਰ ਵਿੱਚ ਰੌਣਕਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਇਸੇ ਤਹਿਤ ਫਰੇਜ਼ਰ ਲੇਕ ਵਿਖੇ ਸਾਲਾਨਾ ਕੈਨੇਡਾ ਡੇਅ ਪਰੇਡ ਦਾ ਆਯੋਜਨ ਬੜੇ ਉਤਸ਼ਾਹ ਨਾਲ ਕੀਤਾ ਗਿਆ। ਇਸ ਖ਼ਾਸ ਮੌਕੇ ’ਤੇ ਫਰੇਜ਼ਰ ਲੇਕ ਆਰ.ਸੀ.ਐੱਮ.ਪੀ. (R3MP) ਦੇ ਅਧਿਕਾਰੀਆਂ, ਪਬਲਿਕ ਸਰਵਿਸ ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਬੜੇ ਮਾਣ ਨਾਲ ਇਸ ਪਰੇਡ ਵਿੱਚ ਹਿੱਸਾ ਲਿਆ। ਇਸ ਰੰਗਾਰੰਗ ਪਰੇਡ ਵਿੱਚ ਸਥਾਨਕ ਸੰਸਥਾਵਾਂ, ਕਾਰੋਬਾਰੀਆਂ ਅਤੇ ਵੱਡੀ ਗਿਣਤੀ ਵਿੱਚ ਇਲਾਕਾ ਨਿਵਾਸੀਆਂ ਨੇ ਸ਼ਮੂਲੀਅਤ ਕਰਕੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਪਰੇਡ ਦੀ ਸਮਾਪਤੀ ਤੋਂ ਬਾਅਦ ਵੀ ਜਸ਼ਨਾਂ ਦਾ ਮਾਹੌਲ ਬਣਿਆ ਰਿਹਾ। ਅਗਲੇਰੇ ਪ੍ਰੋਗਰਾਮ ’ਫਰੇਜ਼ਰ ਲੇਕ ਐਰੀਨਾ’ ਅਤੇ ਸਪੋਰਟਸ ਫੀਲਡ ਵਿੱਚ ਕਰਵਾਏ ਗਏ, ਜਿੱਥੇ ਆਏ ਹੋਏ ਲੋਕਾਂ ਦੇ ਮਨੋਰੰਜਨ ਲਈ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਸਮਾਗਮ ਦੌਰਾਨ ਕਿਸਾਨੀ ਮੰਡੀ (ਫਾਰਮਰਜ਼ ਮਾਰਕੀਟ), ਬੱਚਿਆਂ ਲਈ ਹਵਾ ਨਾਲ ਭਰੇ ਹੋਏ ਝੂਲੇ (ਇਨਫਲੇਟੇਬਲ ਗੇਮਜ਼), ਬੇਕ-ਆਫ ਮੁਕਾਬਲੇ ਅਤੇ ਸਾਰਿਆਂ ਲਈ ਸਾਂਝੇ ਤੌਰ ’ਤੇ ਕਮਿਊਨਿਟੀ ਬਾਰਬੀਕਿਊ ਦਾ ਵਿਸ਼ੇਸ਼ ਪ੍ਰਬੰਧ ਰਿਹਾ। ਇਸ ਵਾਰ ਦੇ ਜਸ਼ਨਾਂ ਵਿੱਚ ਬੱਚਿਆਂ ਲਈ ਇੱਕ ਹੋਰ ਖ਼ਾਸ ਖਿੱਚ ਦਾ ਕੇਂਦਰ ਰਿਹਾ ਜਦੋਂ ਆਰ.ਸੀ.ਐੱਮ.ਪੀ. ਦੇ ਵਿਸ਼ੇਸ਼ ਮਹਿਮਾਨ ’ਸੇਫਟੀ ਬੀਅਰ’ (R3MP Safety 2ear) ਨੇ ਫਰੇਜ਼ਰ ਲੇਕ ਵਿੱਚ ਦੁਬਾਰਾ ਵਾਪਸੀ ਕੀਤੀ। ਸੇਫਟੀ ਬੀਅਰ ਨੇ ਉੱਥੇ ਪਹੁੰਚ ਕੇ ਬੱਚਿਆਂ ਨਾਲ ਮੁਲਾਕਾਤ ਕੀਤੀ, ਉਨ੍ਹਾਂ ਨਾਲ ਫੋਟੋਆਂ ਖਿਚਵਾਈਆਂ ਅਤੇ ਭਾਈਚਾਰੇ ਨਾਲ ਮਿਲ ਕੇ ਇਸ ਦਿਹਾੜੇ ਦੀਆਂ ਖੁਸ਼ੀਆਂ ਸਾਂਝੀਆਂ ਕੀਤੀਆਂ। ਇਸ ਸਫ਼ਲ ਸਮਾਗਮ ਤੋਂ ਬਾਅਦ ਫਰੇਜ਼ਰ ਲੇਕ ਆਰ.ਸੀ.ਐੱਮ.ਪੀ. ਵੱਲੋਂ ਵਿਲੇਜ ਆਫ਼ ਫਰੇਜ਼ਰ ਲੇਕ, ਪ੍ਰਬੰਧਕਾਂ, ਵਲੰਟੀਅਰਾਂ ਅਤੇ ਹਰ ਉਸ ਸ਼ਖਸ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ, ਜਿਸ ਨੇ ਇਸ ਕੈਨੇਡਾ ਡੇਅ ਨੂੰ ਯਾਦਗਾਰੀ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾਇਆ। ਪੁਲਿਸ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਅਜਿਹੇ ਸਮਾਗਮ ਆਮ ਲੋਕਾਂ ਨਾਲ ਸਿੱਧਾ ਰਾਬਤਾ ਕਾਇਮ ਕਰਨ, ਆਪਸੀ ਸਾਂਝ ਵਧਾਉਣ ਅਤੇ ਭਾਈਚਾਰੇ ਨੂੰ ਮਜ਼ਬੂਤ ਕਰਨ ਲਈ ਬਹੁਤ ਵਧੀਆ ਜ਼ਰੀਆ ਬਣਦੇ ਹਨ, ਜਿਸ ਨਾਲ ਫਰੇਜ਼ਰ ਲੇਕ ਰਹਿਣ ਲਈ ਇੱਕ ਹੋਰ ਵੀ ਵਧੀਆ ਤੇ ਖੁਸ਼ਹਾਲ ਥਾਂ ਬਣਦੀ ਹੈ। ਅਖੀਰ ਵਿੱਚ, ਫਰੇਜ਼ਰ ਲੇਕ R3MP ਨੇ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਕੈਨੇਡਾ ਡੇਅ ਦੀਆਂ ਮੁਬਾਰਕਬਾਦ ਦਿੱਤੀ ਅਤੇ ਉਮੀਦ ਜਤਾਈ ਕਿ ਸਾਰਿਆਂ ਨੇ ਇਹ ਦਿਨ ਸੁਰੱਖਿਅਤ ਤੇ ਖੁਸ਼ੀ-ਖੁਸ਼ੀ ਮਨਾਇਆ ਹੋਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਦੇ ਗਰਮੀਆਂ ਦੇ ਸੀਜ਼ਨ (Summer Season) ਦੇ ਵੀ ਸੁਰੱਖਿਅਤ ਰਹਿਣ ਦੀ ਕਾਮਨਾ ਕੀਤੀ।

GKM ਮੀਡੀਆ ਨੈੱਟਵਰਕ

ONE BRAND · NEWS · TV · RADIO · E-PAPER
Sardar Ji Academy
Good Deal Motors
Apna Customs
Navneet Sharma